2012年1月17日 星期二

Honeymoon Part 1 - 蜜月天堂馬爾代夫

因為之前不確定我的蜜月假期可以放多久的關係 (婚後第二個星期有一個會議要在巴黎開,老闆在婚前兩個月才決定放過我讓我放假~),我們的 honeymoon 是分成兩 part 的。Part 1由羅生負責,本來 suppose 是一個 surprise,不過在確定行程之後一個月左右,羅生一次不小心說溜咀,就讓我知道了我們的目的地是馬爾代夫!!!

雖然我沒參與選擇目的地的過程,但我們大致上有共識,honeymoon是要到一個熱的地方。雖然我們不諳水性,不太會玩水上活動,但總覺得這樣的地方才有honeymoon的感覺,不用趕行程,才可專心 relax,unwind一下籌備婚禮的緊張神經,所以馬爾代夫似乎是一個logical choice。馬爾代夫的消費是人所共知的貴,為了我們可以盡情享受不用「就住就住」,羅生選擇了一價全包的 Club Med Kani ,付了package的價錢後,在resort內的吃喝玩樂都不用另外收費(當然某些活動例如 scuba diving 和島外 excursion是要另外收費的~),真的很爽!!!基本上我們在島上的4天都是懶懶閒飲飲食食,游游水,在泳池邊hea,到處拍拍照,所以實在沒法逐天blog呀...

所謂有相有真相,去相~

我們住的是獨立的水上屋,入屋會先見到這個小小的起居室,每次入屋後我都會在這裡坐一坐,hea 一hea。


一入房就給這張大床吸引住視線...作為瘋狂空間王的我很在意床的大小,我們家的床是也有7尺多闊!!!



很喜歡這張籐椅,窩在上而看書很舒服,很想家中有位放一張呀...



洗手間有兩個洗手盆,朝早刷牙不用爭位!



這個浴缸真的不得了...望著大海泡浴,實在是無上享受!!!



我們每天早上都在露台嘆room service的早餐,吹著海風吃早餐,真的很享受~




從露台望出去是沙灘,早上常見到有人在沙灘上哂太陽~ 水淺得可以從我們的屋"間"水過對面沙灘!!!



露台有樓梯通往大海,隨時可以跳落水游游水!!! (留意︰相片的左下角...)



這是每天出入水上屋的通道,風光超美!!!兩邊更常常可以見到魔鬼魚和BB鯊魚!!!



這是水上屋住客專用的lounge,每晚6-11時有無限量香檳供應,我們每晚晚飯前後都去嘆一杯呀~ 很喜歡晚上躺在這裡看星星~



這裡的星星真的多得很誇張!!!不過不是每一晚都可以看到這樣的星空呀...



一天我們到了沙灘拍日落,等候時沒事幹,就去了檢珊瑚石,真的很漂亮~



本來想將兩隻戒指放在上面拍照,但羅生的手指關節位太大,戒指脫不下來呀...




羅生經過攝影師 Dan 的指點後,跳躍技術大大提升!!!



很喜歡這一張相片,如果我的頭髮弄得好一點就更好了...



總括來說,我們強烈推介Club Med Kani 給 honeymooners!!!

[我們帶了婚紗到馬爾代夫拍照,下篇私有化再分享~]

6 則留言:

  1. 間酒店好大又有靚景, 一定好relaxed~ 期待你的相片分享~~

    回覆刪除
  2. welcome back!!! 羨慕X 100,我在馬代那幾天大部份時間都下雨...
    [版主回覆01/26/2012 11:22:27]落雨又真係好掃興...幸好我地走個日先至開始落雨,所以我地大部分時間都可以同陽光玩遊戲~

    回覆刪除
  3. MALDIVES!!!!!!!!!!!!!!!!!!!!!!!!! 之前都諗過clubmed 但查實價錢同散買差不多, 所以還是買package 算了, hehehe!!! 唔知點解我完全無諗過要影日落><!!! btw, 你家的床有7尺多?????!!!!!!!!!!!! 你屋企好大的啊!!!
    [版主回覆01/31/2012 12:08:21]其實羊毛出在羊身上,道理唔難明,但硬係覺得任飲任食個 feel 爽 d!!!
    我屋企唔大呀,不過係用哂全間房嘅位黎放床...我地張床嘅"主體"其實得5尺半,不過我地將張床造到同窗台一樣高,再0係窗台放張2尺幾床裖,加埋就有7尺幾床任我碌!!!

    回覆刪除
  4. 你好呀~~我都打算去馬爾代夫渡蜜月呀..
    想問下Club Med Kani 既package幾多錢呀??
    馬爾代夫真係一個超靚既地方....

    回覆刪除
  5. 可否add我呀~^^
    [Gesta回覆06/07/2012 15:02:36]Thanks^^
    [版主回覆06/07/2012 10:11:56]added la~

    回覆刪除
  6. 哈佬,我來梗9月都去馬代蜜月喇,我原本都有諗過揀你住呢間,但係最終我揀左香格里拉,我貪個島大,因為我都準備帶婚紗去影相。諗起都超開心!係呢,你去影相有冇啲咩tips要留意,雖然我地唔係同一個島,但係我相信當地天氣應該差唔多既。係呢,你方唔方便加我?我都想睇你啲靚相呀。^_^
    [版主回覆06/25/2012 12:53:42]我都 add 左妳啦~
    [Yanni回覆06/25/2012 12:16:03]我加左朋友喇~ :)
    [版主回覆06/22/2012 16:47:01]要加入朋友先叫做 add 家...我睇唔到妳私有化 post 喎...
    我好怕曬黑所以採好厚防曬,最後係流白汗 loh...我地都有自拍,如果有 remote control 會方便好多家~ 同埋如果妳件婚紗夠長的話可以著人字拖,唔使咁辛苦!!!
    [Yanni回覆06/22/2012 16:31:11]HIHI 係咪關注左就OK?
    我地自拍咋, 會帶腳架, 幾枝鏡, 同兩部機去...^^
    我宜家諗梗帶我行禮個件, 因為費事再造多條, 但係你又講得岩WO,,,我行禮係大拖尾, 真係麻煩左D~又熱....><
    如果造裙我諗住揀魚尾款, 因為我影左幾次相都冇影呢款 同埋個尾唔會太大, 少少地會靚D 哈哈...
    個妝我相信問題不大既~ 唔使好似行禮咁厚妝就應該唔會點溶掛....淡妝抹汗同補妝相對我呢D DIY應該易D, HAHA
    [版主回覆06/22/2012 10:14:23]妳係搵人影定係自拍呀? 我覺得最緊要係件婚紗唔好太麻煩呀...因為無人會幫妳"稱"住或者整理,一件輕便嘅婚紗係好重要家~ 另外因為當地好熱,溶妝都係一個嚴重嘅問題呀~
    add 就無問題,但係妳會唔會先 add 我呢?

    回覆刪除